"Челси" ярим ҳимоячиси Энцо Фернандес клуб томонидан Мойсес Кайседони сотиб олиш бўйича келишувда иштирок этганини тан олди.

Эквадорлик футболчининг "Брайтон"дан "Челси"га ўтиши ҳақидаги музокаралар ёз давомида давом этди. Август ойи ўрталарида 22 ёшли ярим ҳимоячи “Ливерпуль”ни рад этиб, ниҳоят Лондон клубига ўтди. Трансфер нархи 116 миллион еврони ташкил қилди.

"Мен "Челси" уни сотиб олишга қизиқаётганини билардим, шунинг учун мен унга қўнғироқ қилдим ва рози бўлиши кераклигини айтдим, чунки "Челси" амбицияларга эга буюк клуб", деди Энцо Sky Sports нашрига.

Мойсес Кайседо жорий мавсумда Маурисио Почеттино жамоасида 11 та ўйинда майдонга тушди.