"Trabzonspor" vingeri Nikolas Pepe turk klubi safidagi ilk golini urdi. Bu Turkiya Superligasi turnir jadvali peshqadamlaridan biri – "Fenerbaxche" bilan o‘yinda sodir bo‘ldi. Ivuarlik futbolchi 47-daqiqada gol urib, jamoasining 3:0 hisobidagi g‘alabasiga hissa qo‘shdi.
Shu tariqa, Pepe uchinchi o‘yinda jamoasi safidagi debyut golini kiritdi. Bungacha u "Alanyaspor"ga qarshi uy uchrashuvida (1:0) va "Fotih Karagumruk" klubiga qarshi safarda maydonga tushgan.
Eslatib o‘tamiz, Pepe 2019 yildan buyon Londonning “Arsenal” klubiga tegishli va o‘tgan mavsumni u Fransiya chempionatida – "Nissa"da o‘tkazdi.
