"Трабзонспор" вингери Николас Пепе турк клуби сафидаги илк голини урди. Бу Туркия Суперлигаси турнир жадвали пешқадамларидан бири – "Фенербахче" билан ўйинда содир бўлди. Ивуарлик футболчи 47-дақиқада гол уриб, жамоасининг 3:0 ҳисобидаги ғалабасига ҳисса қўшди.
Шу тариқа, Пепе учинчи ўйинда жамоаси сафидаги дебют голини киритди. Бунгача у "Аланьяспор"га қарши уй учрашувида (1:0) ва "Фотиҳ Карагумрук" клубига қарши сафарда майдонга тушган.
Эслатиб ўтамиз, Пепе 2019 йилдан буён Лондоннинг “Арсенал” клубига тегишли ва ўтган мавсумни у Франция чемпионатида – "Ницца"да ўтказди.