«Arsenal» markaziy himoyachisi Yakub Kivyor faoliyatini Italiyada davom ettirishi mumkin.

23 yoshli futbolchi «kanonirlar» safida kamdan-kam maydonga tushdi, shuning uchun klub 2024 yilda u bilan xayrlashishga tayyor.

Gazzetta dello Sport xabariga ko‘ra, Kivyorga da’vogar allaqachon paydo bo‘lgan va u polyak bilan shartnoma imzolash imkoniyatini o‘rganishni boshlagan.

Yakub Kivyorning transfer qiymati 25 million yevroga baholanmoqda. Futbolchi shu yilning yanvar oyida Italiyaning «Spesiya» klubidan London klubiga o‘tgan edi.

Ushbu mavsumda markaziy himoyachi Mikel Arteta jamoasi uchun oltita o‘yinda maydonga tushdi.