"Manchester Siti" "Nant" himoyachisi Kventin Merlinga e’tibor qaratmoqda. Fichajes'ning so‘zlariga ko‘ra, Pep Gvardiola jamoasi yanvar oyidagi transfer oynasida yosh fransuzni olib kelmoqchi.

21 yoshli Merlin chap qanot himoyachisi sifatida o‘ynaydi va Fransiya U-21 terma jamoasi a’zosi hisoblanadi. Joriy mavsumda Kventin Fransiya chempionatining 11 ta uchrashuvida 1 ta golli uzatmani amalga oshirdi.

Eslatib o‘tamiz, avvalroq Merlinga "PSJ" ham qiziqqan edi, ammo parijliklarni himoyachi uchun kurashda hali yaqqol favorit deb bo‘lmaydi. 2021/22 yilgi mavsumda Kventin “Nant” bilan Fransiya kubogini ham qo‘lga kiritdi.