Xyoylund "Manchester Yunayted"ning "Kopengagen"dan uchralgan mag‘lubiyatini Reshfordning chetlatilishi bilan bog‘ladi.

Uchrashuvning 42-daqiqasida hakamlar mehmonlar hujumchisi Markus Reshfordga qizil kartochka ko‘rsatishga qaror qilishdi.

"Ochig‘ini aytsam, biz juda yaxshi boshladik deb o‘ylayman. Biz maydondan chetlatishdan oldin o‘yinni nazorat qildik va bu o‘yinning borishini o‘zgartirdi, albatta.

Agar siz natijaga qaramasangiz, faqat birinchi 20 daqiqani hisobga olsangiz, menimcha, biz juda yaxshi ko‘rindik.

O‘ylaymanki, biz chetlatilishdan keyin biroz susaydik. Tarkibda bitta kam odam bilan o‘ynadik va bu, albatta, raqibda ishonch uyg‘otdi va bu o‘rinda tomoshabinlar jamoaga qanday yordam berishini bilaman.

Bu ularga kuchli turtki berdi. Ikkinchi bo‘lim boshida biz juda yaxshi ko‘rindik. Biz bor e’tiborimizni to‘pga qaratib, o‘yinni doimiy ravishda o‘zgartirib, penalti ishlab, yana oldinga chiqib oldik. Shunday ekan, o‘yin yakunida yana nol ochkoga ega bo‘lganimiz achinarli", - dedi "Manchester Yunayted"ning daniyalik hujumchisi Rasmus Xyoylund TNT Sports telekanalida.

Uchrashuvni litvalik Donatas Rumshas boshchiligidagi hakamlar brigadasi boshqarib bordi.