Isroil terma jamoasi bosh murabbiyi futbolchilarni o‘z mamlakatining «askarlari» deb atadi.
Alon Xazan Isroil terma jamoasi futbolchilari Manor Solomon va Liel Abada bilan bog‘liq vaziyatga izoh berdi.
«Tottenxem»da o‘ynayotgan Solomon o‘zining Instagram sahifasida Falastin-Isroil mojarosi haqida postlar joylashtirdi. Shu haftada futbolchining sahifasi bloklandi, biroq tez orada unga kirish tiklandi.
Abada Shotlandiyaning «Seltik» jamoasida o‘ynaydi, uning muxlislari bir necha bor Falastinni qo‘llab-quvvatlash fonida norozilik namoyishlarini uyushtirgan. Glazgo klubi ularning abonementlarini blokladi.
«Odamlar ular haqida nima deyishi ularga ahamiyat bermaydi. Ular o‘z xalqi uchun kurashadilar, vatanlari uchun kurashadilar, chunki ular haqiqatni biladilar. Shunday qilib, ular [oddiy askarlarga] o‘xshamasa ham, mening yurtimning kuchli askariga aylanishadi», — dedi Xazan.
