Londonning "Chelsi" klubi yarim himoyachisi Koul Palmer mashg‘ulotlarda penalti tepishga e’tibor bermayotganini aytdi.
"Penaltilar ustida ishlayapman, deb aytmayman, bu yolg‘on bo‘ladi. Men shunchaki o‘zimga ishonaman! Birinchi marta “Siti”ga qarshi o‘ynadim. 15 yilimni o‘tkazgan klubni juda hurmat qilaman. Do‘stlarni ko‘rish juda zo‘r bo‘ldi”, dedi Palmer Sky Sports nashriga.
Eslatib o‘tamiz, Angliya Premyer-ligasining 12-turidan o‘rin olgan uchrashuvda “Chelsi” “Manchester Siti” bilan durang o‘ynadi. Uchrashuv 4:4 hisobida yakunlandi. Palmer butun 90 daqiqani maydonda o‘tkazdi va penaltidan gol urib, qo‘shib berilgan vaqtda jamoasiga bir ochko olib kelishga muvaffaq bo‘ldi.
