Лондоннинг "Челси" клуби ярим ҳимоячиси Коул Палмер машғулотларда пенальти тепишга эътибор бермаётганини айтди.
"Пенальтилар устида ишлаяпман, деб айтмайман, бу ёлғон бўлади. Мен шунчаки ўзимга ишонаман! Биринчи марта “Сити”га қарши ўйнадим. 15 йилимни ўтказган клубни жуда ҳурмат қиламан. Дўстларни кўриш жуда зўр бўлди”, деди Палмер Sky Sports нашрига.
Эслатиб ўтамиз, Англия Премьер-лигасининг 12-туридан ўрин олган учрашувда “Челси” “Манчестер Сити” билан дуранг ўйнади. Учрашув 4:4 ҳисобида якунланди. Палмер бутун 90 дақиқани майдонда ўтказди ва пенальтидан гол уриб, қўшиб берилган вақтда жамоасига бир очко олиб келишга муваффақ бўлди.
