Germaniya Bundesligasida murabbiy iste’fosi sodir bo‘ldi. Urs Fisher «Union Berlin» bosh murabbiyligidan ozod etildi, bu haqda klub rasmiy sayti xabar berdi.
Bunday qaror jamoa rahbariyati va bosh murabbiyning o‘zaro kelishuviga ko‘ra qabul qilingan. Bunga Berlin jamoasining Germaniya chempionatidagi halokatli natijalari sabab bo‘ldi.
11 turdan so‘ng Union atigi 6 ochko to‘pladi va turnir jadvalida oxirgi o‘rinda bormoqda. Bundesliganing navbatdagi o‘yinida Berlin jamoasi «Augsburg» bilan to‘qnash keladi. O‘yin 25 noyabr, shanba kuni bo‘lib o‘tadi.