Eron-Gonkong uchrashuvidan so‘ng forslarning tayanch yarim himoyachisi Ahmad Nurullohi ("Al Vahda", BAA) terma jamoa tarkibidan chetlatilgan.
Nurullohi Gonkongga qarshi 23 ta futbolchidan iborat o‘yin qaydnomasiga kiritilmaganligi tufayli, qaydnomadan chetda qolgan jamoadoshlari qatori o‘yinni tribunada kuzatishdan bosh tortgan.
Amir G‘alenoi murabbiylar shtabi Nurullohining ushbu harakati noprofessional va jamoa birligiga zarar yetkazadi deb topgan. Eslatib o‘tamiz, Tehronda kechgan uchrashuvda forslar 4:0 hisobida g‘alaba qozonishgan.