2023 yilga kelib, APLdagi kuchli jamoalarni faqatgina oltita deb bilib, ularni top-6 lik deya atash qanchalik to‘g‘ri degan savollar paydo bo‘lmoqda. Negaki, "Nyukasl" hozir YECHLda, "Aston Villa" hamda "Brayton" ham yevrokuboklarda ishtirok etmoqda. Shunga qaramay, YECHLga yo‘llanma beradigan o‘rinlarni asosan to‘rtta – "Manchester Siti", "MYU", "Arsenal", "Liverpul", "Chelsi" yoki "Tottenxem"dan biri egallaydi. Bu odat o‘tgan mavsumda "Nyukasl" tomonidan buzilgandi. Biroq, Eddi Xau jamoasining bu mavsumdagi ishlari unchalik ham yaxshi emas.
Boylik borasida, tarkib va pul sarflashda baribir yuqoridagi gigantlar ustun turadi.
Ushbu top klublar o‘rtasidagi kurashlarni ko‘rish doimo zavqli. Ammo ularning to‘qnashuvi, ba’zan ulardan birining mavsumini tom ma’noda rasvo qilishi mumkin. 2023/24 yilgi davrning noyabriga qadar biz bir-biridan ajoyib uchrashuvlar guvohiga aylandik. Ularni tomosha qilish esa muxlislarga katta taassurotlar xadya etdi.
O‘tgan mavsumda kuchli oltilikning o‘zaro to‘qnashuvlarida "Manchester Siti" ustunlik qildi. Gvardiola jamoasi "Arsenal"ni ikki bor mag‘lubiyatga uchratdi. Bu narsa mavsum oxiridagi natijalarga katta ta’sir ko‘rsatdi. Bu mavsumda esa unday bo‘lmadi. To‘pchilar o‘z maydonida "Manchester Siti"ni katta ustunlik, ammo kichik hisob bilan dog‘da qoldira oldi. Gvardiola jamoasi keyingi muhim bahslarda o‘ziga kelib oldi. Xususan, "MYU"ni o‘z maydonida yer tishlatdi (0-3). "Chelsi" bilan esa 4-4 hisobida durang qayd etdi.
"Arsenal" mavsumdagi ilk katta o‘yinida "MYU"ni qabul qildi. Hammasini o‘yin so‘nggidagi Raysning goli hal qildi. Keyin esa "Tottenxem" bilan 2-2 hisobida durang o‘ynaldi, "Chelsi" maydonida ham xuddi shunday hisob qayd etildi. "Manchester Siti"ga qarshi o‘yinda esa 2015 yildan beri ilk bor raqibdan APLda uch ochko olingandi.
Quyida katta oltilikning joriy mavsumda o‘zaro o‘yinlardagi natijalarini e’tiboringizga havol etamiz. Tartib o‘rtacha ochko to‘plash asosida belgilangan bo‘lib, ochkolar teng kelib qolgan taqdirda to‘plar nisbati inobatga olindi.
1. "Arsenal"
O‘yinlar: 4 ta
G‘alabalar: 2 ta
Duranglar: 2 ta
Mag‘lubiyat: 0 ta
Gollar: 8 ta
O‘tkazilgan gollar: 5 ta
O‘rtacha ochko olish: 2.0
2. "Tottenxem"
O‘yinlar: 4 ta
G‘alabalar: 2 ta
Duranglar: 1 ta
Mag‘lubiyat: 1 ta
Gollar: 7 ta
O‘tkazilgan gollar: 7 ta
O‘rtacha ochko olish: 1.75
3. "Chelsi"
O‘yinlar: 4 ta
G‘alabalar: 1 ta
Duranglar: 3 ta
Mag‘lubiyat: 0 ta
Gollar: 11 ta
O‘tkazilgan gollar: 8 ta
O‘rtacha ochko olish: 1.5
4. "Manchester Siti"
O‘yinlar: 3 ta
G‘alabalar: 1 ta
Duranglar: 1 ta
Mag‘lubiyat: 1 ta
Gollar: 7 ta
O‘tkazilgan gollar: 5 ta
O‘rtacha ochko olish: 1.33
5. "Liverpul"
O‘yinlar: 2 ta
G‘alabalar: 0 ta
Duranglar: 1 ta
Mag‘lubiyat: 1 ta
Gollar: 2 ta
O‘tkazilgan gollar: 3 ta
O‘rtacha ochko olish: 0.5
6. "MYU"
O‘yinlar: 3 ta
G‘alabalar: 0 ta
Duranglar: 0 ta
Mag‘lubiyat: 3 ta
Gollar: 1 ta
O‘tkazilgan gollar: 8 ta
O‘rtacha ochko olish: 0.0.
ISMATOV J.
