Myunxenning «Bavariya» klubi o‘tgan yozda jamoaga kelib qo‘shilgan zaxira darvozaboni Daniyel Peresning kelajagini hal qildi.

Bild nashri ma’lumotlariga ko‘ra, «qizil mashina» isroillikni tajriba orttirishi uchun ijaraga bermoqchi.

E’tiborlisi, «Bavariya»ning ikkinchi raqamli kiperi Sven Ulrayx hozirda shartnomasini 2025 yilgacha uzaytirishga yaqin turibdi.

Shu munosabat bilan rahbariyat ko‘proq o‘yin amaliyotiga ega bo‘lishi uchun Peresga imkon bermoqchi. Manba shuningdek, «Bavariya» rahbariyati Peresni kelajakda Manuel Noyerning o‘rniga birinchi raqamli darvozabon sifatida ko‘rayotgani haqida xabar beradi. Xabar qilinishicha, isroillik mashg‘ulotlarda yaxshi ishtirok etgan va o‘rganishga katta ishtiyoq bildirgan.