Мюнхеннинг «Бавария» клуби ўтган ёзда жамоага келиб қўшилган захира дарвозабони Даниел Перецнинг келажагини ҳал қилди.
Bild нашри маълумотларига кўра, «қизил машина» исроилликни тажриба орттириши учун ижарага бермоқчи.
Эътиборлиси, «Бавария»нинг иккинчи рақамли кипери Свен Улрайх ҳозирда шартномасини 2025 йилгача узайтиришга яқин турибди.
Шу муносабат билан раҳбарият кўпроқ ўйин амалиётига эга бўлиши учун Перецга имкон бермоқчи. Манба шунингдек, «Бавария» раҳбарияти Перецни келажакда Мануэль Нойернинг ўрнига биринчи рақамли дарвозабон сифатида кўраётгани ҳақида хабар беради. Хабар қилинишича, исроиллик машғулотларда яхши иштирок этган ва ўрганишга катта иштиёқ билдирган.
