Argentinaga qarshi saralash bahsida Braziliya terma jamoasi hujumchisi Gabriel Jezus 90 daqiqani maydonda o‘tkazdi, ammo gol ura olmadi. Jezus oxirgi marta 2022 yilning iyun oyida Janubiy Koreyaga qarshi o‘rtoqlik o‘yinida gol urgan edi. Futbolchi bu haqda gapirdi.
«JCH-2018dan keyin meni ba’zi narsalar bezovta qildi, o‘shanda yosh edim va boshqacha fikrda edim. Endi men ancha yetuk va bilimliman.
Futbol mening ustuvorligim ekanini tushunaman va yaxshi o‘ynashim uchun o‘zimni yaxshi his qilishim kerakligini bilaman.
Men nazorat qilmaydigan narsalar bor. Men mashq qilaman, imkoniyatlarni qidiraman, harakat qilaman, jamoaga yordam beraman.
Ishonamanki, gol urish mening kuchli tomonim emas, lekin men gol urishga tayyorman. Xotirjam ishlayman. Tanqidga munosabat bildiradiganlardan emasman va maqtovdan quvonadiganlardan ham emasman», dedi Jezus.
