Аргентинага қарши саралаш баҳсида Бразилия терма жамоаси ҳужумчиси Габриэль Жезус 90 дақиқани майдонда ўтказди, аммо гол ура олмади. Жезус охирги марта 2022 йилнинг июнь ойида Жанубий Кореяга қарши ўртоқлик ўйинида гол урган эди. Футболчи бу ҳақда гапирди.
«ЖЧ-2018дан кейин мени баъзи нарсалар безовта қилди, ўшанда ёш эдим ва бошқача фикрда эдим. Энди мен анча етук ва билимлиман.
Футбол менинг устуворлигим эканини тушунаман ва яхши ўйнашим учун ўзимни яхши ҳис қилишим кераклигини биламан.
Мен назорат қилмайдиган нарсалар бор. Мен машқ қиламан, имкониятларни қидираман, ҳаракат қиламан, жамоага ёрдам бераман.
Ишонаманки, гол уриш менинг кучли томоним эмас, лекин мен гол уришга тайёрман. Хотиржам ишлайман. Танқидга муносабат билдирадиганлардан эмасман ва мақтовдан қувонадиганлардан ҳам эмасман», деди Жезус.
