«Yuventus» yarim himoyachisi Ueston Makkenni jamoaning joriy mavsumdagi istiqbollari haqida o‘z fikrini aytdi.

Massimiliano Allegri shogirdlari A Seriyada ikkinchi o‘rinda bormoqda, ammo keyingi turda birinchi o‘ringa chiqishi mumkin – buning uchun ikki ochko bilan peshqadamlik qilayotgan «Inter»ni mag‘lub etishi kerak bo‘ladi. Uchrashuv 26 noyabr kuni Turinda bo‘lib o‘tadi.

«Albatta, A Seriyada oson o‘yinlar bo‘lmaydi, ammo hozirda biz uchun eng muhimi «Inter»ga qarshi o‘yin.

Ushbu o‘yinda g‘alaba qozonish bizni ajoyib holatga olib keladi, lekin, albatta, har bir keyingi o‘yin ham juda muhim bo‘ladi, chunki ustunlikni saqlab qolish kerak.

Hozircha bashorat qilishga erta, ammo jamoamiz bu qiyinchilikni qabul qilishga tayyor, «Yuventus»ga skudettoni qaytarish vaqti keldi», - deya Makkennining so‘zlarini keltiradi Football Italia.