«Nyukasl» bosh murabbiyi Eddi Xau o‘z tarbiyalanuvchisi Sandro Tonalining ahvoli haqida gapirdi, u avvalroq pul tikishdagi ishtiroki tufayli 10 oyga diskvalifikasiya qilingan edi.
«Sandro juda yaxshi mashq qiladi, shuning uchun biz undan foydalana olmasligimiz yanada achinarli. U vaziyatni juda yaxshi uddalaydi, bu uning xarakterining o‘ziga xos belgisi deb aytardim», - deya Xauning so‘zlarini keltirgan jurnalist Fabrisio Romano.
Eslatib o‘tamiz, Tonali o‘tgan yozda «Milan»dan «Nyukasl»ga o‘tgandi. 23 yoshli yarim himoyachi ingliz klubi libosida 12 ta o‘yin o‘tkazib, bitta gol urishga muvaffaq bo‘ldi.
