«Ньюкасл» бош мураббийи Эдди Хау ўз тарбияланувчиси Сандро Тоналининг аҳволи ҳақида гапирди, у аввалроқ пул тикишдаги иштироки туфайли 10 ойга дисквалификация қилинган эди.

«Сандро жуда яхши машқ қилади, шунинг учун биз ундан фойдалана олмаслигимиз янада ачинарли. У вазиятни жуда яхши уддалайди, бу унинг характерининг ўзига хос белгиси деб айтардим», - дея Хаунинг сўзларини келтирган журналист Фабрицио Романо.

Эслатиб ўтамиз, Тонали ўтган ёзда «Милан»дан «Ньюкасл»га ўтганди. 23 ёшли ярим ҳимоячи инглиз клуби либосида 12 та ўйин ўтказиб, битта гол уришга муваффақ бўлди.