«Chelsi» yanvar oyidagi transfer oynasi uchun ehtimoliy xaridlar ustida ishlamoqda. Jurnalist Rayan Teylorning so‘zlariga ko‘ra, «ko‘klar» hozircha «Brentford» hujumchisi Ivan Touni va «Napoli» a’zosi Viktor Osimxen variantini rad etishgan, chunki bu futbolchilarni yanvarda sotib olish qiyin bo‘ladi.

Manbaga ko‘ra, «Chelsi» ro‘yxatga olingan futbolchilar o‘rniga yana uchta hujumchini ko‘rib chiqmoqda: «Feyenoord»dan Santyago Ximenes, «Bayer»dan Viktor Bonifase va «RB Leypsig»dan Benjamin Sheshko.

Eslatib o‘tamiz, «Chelsi» kecha Angliya premyer-ligasida mavsumdagi beshinchi mag‘lubiyatini qabul qilib oldi. Klub turnir jadvalida o‘ninchi o‘rinda bormoqda.