«Челси» январь ойидаги трансфер ойнаси учун эҳтимолий харидлар устида ишламоқда. Журналист Райан Тейлорнинг сўзларига кўра, «кўклар» ҳозирча «Брентфорд» ҳужумчиси Иван Тоуни ва «Наполи» аъзоси Виктор Осимхен вариантини рад этишган, чунки бу футболчиларни январда сотиб олиш қийин бўлади.
Манбага кўра, «Челси» рўйхатга олинган футболчилар ўрнига яна учта ҳужумчини кўриб чиқмоқда: «Фейеноорд»дан Сантяго Хименес, «Байер»дан Виктор Бонифасе ва «РБ Лейпциг»дан Бенжамин Шешко.
Эслатиб ўтамиз, «Челси» кеча Англия премьер-лигасида мавсумдаги бешинчи мағлубиятини қабул қилиб олди. Клуб турнир жадвалида ўнинчи ўринда бормоқда.
