«Dinamo» boshqaruvi a’zosi Dmitriy Gafin «Brayton» vingeri Kaoru Mitomaning Moskva klubiga amalga oshmay qolgan transferi haqida gapirdi.

Gafinning so‘zlariga ko‘ra, «Dinamo» Mitoma bilan futbolchi o‘z vatanida o‘ynab yurgan paytda aloqaga chiqqan. Biroq futbolchining jamoasi avvalgidan 10 barobar ko‘p maosh talab qilgani uchun transfer amalga oshirilmadi.

«Bizda biroz shubha bor edi - esimda, u 23-24 yoshda edi va bu uning kollej futbolidan ko‘chib o‘tganidan keyin J-ligadagi birinchi mavsumi edi.

Biz imkoniyatdan foydalanishga qaror qildik, ammo muzokaralarning so‘nggi bosqichida ular Mitomaning Premyer-liga klubi bilan aloqasi borligini tushuntirib, katta maosh so‘rashdi. Biz bu rostmi yoki yo‘qmi deb o‘ylagandik, biroq birozdan keyin bu yolg‘on emasligi ma’lum bo‘ldi», - deya Gafinning so‘zlarini keltiradi RB Sport.