«Динамо» бошқаруви аъзоси Дмитрий Гафин «Брайтон» вингери Каору Митоманинг Москва клубига амалга ошмай қолган трансфери ҳақида гапирди.

Гафиннинг сўзларига кўра, «Динамо» Митома билан футболчи ўз ватанида ўйнаб юрган пайтда алоқага чиққан. Бироқ футболчининг жамоаси аввалгидан 10 баробар кўп маош талаб қилгани учун трансфер амалга оширилмади.

«Бизда бироз шубҳа бор эди - эсимда, у 23-24 ёшда эди ва бу унинг коллеж футболидан кўчиб ўтганидан кейин Ж-лигадаги биринчи мавсуми эди.

Биз имкониятдан фойдаланишга қарор қилдик, аммо музокараларнинг сўнгги босқичида улар Митоманинг Премьер-лига клуби билан алоқаси борлигини тушунтириб, катта маош сўрашди. Биз бу ростми ёки йўқми деб ўйлагандик, бироқ бироздан кейин бу ёлғон эмаслиги маълум бўлди», - дея Гафиннинг сўзларини келтиради РБ Спорт.