Rossiya futboliga aloqador o‘yinchilarning huquqi poymol bo‘ldi.

JCH-2022da RPL futbolchilarining ishtiroki uchun beriladigan pul bloklandi. Bu haqda RFI bosh kotibi Maksim Mitrofanov ma’lum qildi.

«Hozircha futbolchilarning JCH-2022dagi ishtiroki uchun pullar bloklangan. FIFA bu pulni klublarimiz sanksiyalar ostida qolgani uchun yubormayapti», - dedi Mitrofanov.

Oktyabr oyida FIFA klublarga futbolchilarning Qatardagi jahon chempionatidagi ishtiroki uchun 209 million dollar tovon puli to‘lashini aytgan edi. Qayd etilishicha, futbolchining turnirdan oldingi ikki yil davomida o‘ynagan barcha klublariga tovon puli to‘lanadi.

Qatarda «Dinamo»ning kamerunlik yarim himoyachisi Mumi Ngamale, shuningdek, urugvaylik himoyachi Gilyermo Varela va huquqlari «oq-ko‘klar»ga tegishli bo‘lgan polshalik yarim himoyachi Sebastyan Shimanskilar ishtirok etishdi.

Shuningdek, Jahon chempionatining bronza medali sohibiga aylangan «Zenit»ning sobiq futbolchilari – Deyan Lovren va Nikola Vlashichlar ham ushbu qarorning qurboni bo‘ldi.