"Betis" yarim himoyachisi Isko futbolga qaytganidan so‘ng tezda o‘zining yuqori formasini tiklay oldi.

31 yoshli futbolchi o‘tgan yilning dekabridan iyul oyigacha erkin agent sifatida jamoasiz yurdi. "Betis" ispaniyalik futbolchi bilan bir yillik shartnoma imzoladi - va u umidlarni oqladi va jamoa hujumidagi muhim bo‘g‘inga aylandi. "Opta" hisob-kitoblariga ko‘ra, ayni damda Yevropaning top-5 ligasida joriy mavsumda eng ko‘p gol urish imkoniyati yaratgan futbolchilar reytingini aynan Isko ("Selta Vigo" futbolchisi Yago Aspas bilan birga) boshqarmoqda - 45. "Bavariya" yulduzi Leroy Sane uchinchi o‘rinni egallab turibdi (42).

Shu bilan birga, Isko La Liganing 14 o‘yinida 2 ta gol urib, yana shuncha golli uzatma bergan.