"Бетис" ярим ҳимоячиси Иско футболга қайтганидан сўнг тезда ўзининг юқори формасини тиклай олди.

31 ёшли футболчи ўтган йилнинг декабридан июль ойигача эркин агент сифатида жамоасиз юрди. "Бетис" испаниялик футболчи билан бир йиллик шартнома имзолади - ва у умидларни оқлади ва жамоа ҳужумидаги муҳим бўғинга айланди. "Opta" ҳисоб-китобларига кўра, айни дамда Европанинг топ-5 лигасида жорий мавсумда энг кўп гол уриш имконияти яратган футболчилар рейтингини айнан Иско ("Сельта Виго" футболчиси Яго Аспас билан бирга) бошқармоқда - 45. "Бавария" юлдузи Лерой Сане учинчи ўринни эгаллаб турибди (42).

Шу билан бирга, Иско Ла Лиганинг 14 ўйинида 2 та гол уриб, яна шунча голли узатма берган.