"Liverpul" rahbariyati urugvaylik hujumchi Darvin Nunyes transferi borasida Lissabonning "Benfika" klubiga bonus to‘ladi. Mersisaydliklar futbolchining "qizillar" bilan o‘tkazgan 60 ta uchrashuvi uchun bonus sifatida Portugaliya klubi hisobiga 9,8 million yevro o‘tkazishgan.
Nunyes o‘tgan yozda "Liverpul" futbolchisiga aylandi. Bitim summasi taxminan 70 million yevroni tashkil etdi. U bilan 2028 yilning o‘rtalarigacha uzoq muddatli mehnat shartnomasi imzolangan.
Angliya Premyer-ligasining joriy mavsumida Darvin 12 ta o‘yin o‘tkazib, 4 ta gol va 4 ta golli uzatmani amalga oshirdi.
