"Ливерпуль" раҳбарияти уругвайлик ҳужумчи Дарвин Нуньес трансфери борасида Лиссабоннинг "Бенфика" клубига бонус тўлади. Мерсисайдликлар футболчининг "қизиллар" билан ўтказган 60 та учрашуви учун бонус сифатида Португалия клуби ҳисобига 9,8 миллион евро ўтказишган.
Нуньес ўтган ёзда "Ливерпуль" футболчисига айланди. Битим суммаси тахминан 70 миллион еврони ташкил этди. У билан 2028 йилнинг ўрталаригача узоқ муддатли меҳнат шартномаси имзоланган.
Англия Премьер-лигасининг жорий мавсумида Дарвин 12 та ўйин ўтказиб, 4 та гол ва 4 та голли узатмани амалга оширди.
