«Roma»da ijara asosida o‘ynayotgan «Chelsi» hujumchisi Romelu Lukaku «Nyukasl»ga o‘tishi mumkin. Bu haqda Voetbalkrant xabar bermoqda.

Manbaga ko‘ra, «Nyukasl» 30 yoshli belgiyalik futbolchini sotib olish imkoniyatini ko‘rib chiqmoqda, chunki ular Aleksandr Isak va Kallum Uilsonga raqobat yaratmoqchi.

Joriy mavsumda Lukaku «Roma» safida 16 ta o‘yinda maydonga tushib, 10 ta gol urdi va 1 ta golli uzatmani amalga oshirdi. Transfermarkt portali Belgiya terma jamoasi futbolchisini 40 million yevroga baholamoqda.