Fransiya terma jamoasi va Londonning “Arsenal” klubi sobiq yarim himoyachisi Rober Pires portugaliyalik hujumchi Krishtianu Ronaldu haqida o‘z fikrlari bilan o‘rtoqlashdi.

"Hozir Saudiya Arabistoni chempionati kuchli liga sanaladi. Bu yerda ko‘plab taniqli futbolchilar o‘ynashadi. Ammo birinchi bo‘lib Krishtianu Ronaldu esga tushadi, chunki u birinchi bo‘lib bu yerga ko‘chib o‘tgan.

Bu futbolchi butun hayotini futbolga bag‘ishlagan. Aynan shuning uchun Krishtianu bunday muvaffaqiyatga erisha oldi”, - dedi Pires.

Ronaldu Saudiya Arabistoniga 2023 yil boshida ko‘chib o‘tgandi. Joriy mavsumda u “An-Nasr” tarkibida 14 ta o‘yinda maydonga tushib, 15 ta gol urdi va 7 ta golli uzatmani amalga oshirdi.