Франция терма жамоаси ва Лондоннинг “Арсенал” клуби собиқ ярим ҳимоячиси Робер Пирес португалиялик ҳужумчи Криштиану Роналду ҳақида ўз фикрлари билан ўртоқлашди.
"Ҳозир Саудия Арабистони чемпионати кучли лига саналади. Бу ерда кўплаб таниқли футболчилар ўйнашади. Аммо биринчи бўлиб Криштиану Роналду эсга тушади, чунки у биринчи бўлиб бу ерга кўчиб ўтган.
Бу футболчи бутун ҳаётини футболга бағишлаган. Айнан шунинг учун Криштиану бундай муваффақиятга эриша олди”, - деди Пирес.
Роналду Саудия Арабистонига 2023 йил бошида кўчиб ўтганди. Жорий мавсумда у “Ан-Наср” таркибида 14 та ўйинда майдонга тушиб, 15 та гол урди ва 7 та голли узатмани амалга оширди.
