Niderlandiya terma jamoasi bosh murabbiyi Ronald Kuman Yevropa chempionati final qismiga qur’a tashlash natijalariga izoh berdi.

Niderlandiya Fransiya va Avstriya bilan birga "D" guruhidan joy olgan, boshqa raqib esa pley-off natijalariga ko‘ra aniqlanadi.

"So‘nggi yillarda biz ularga qarshi ko‘p o‘ynaganimiz uchun men Fransiya bizning guruhda bo‘lmasligini, ular esa bizning o‘z guruhida bo‘lmasligimizni afzal ko‘rardim. To‘rtinchi raqibimiz kim bo‘lishini kutamiz. Bizda Avstriya termasi haqida hali yetarli malumot yo‘q va puxtaroq tayyorgarlik ko‘rishimiz kerak. Kelgusi yozda nima bo‘lishini ko‘ramiz. Bizning asosiy maqsadimiz o‘zgarishsiz qolmoqda - har doimgidek Yevropa chempionatida g‘alaba qozonish. Turnirda qatnashganimizda, maqsadimiz g‘alaba qozonishdir", - dedi Kuman Nu.nl bilan suhbatda.