Нидерландия терма жамоаси бош мураббийи Рональд Куман Европа чемпионати финал қисмига қуръа ташлаш натижаларига изоҳ берди.

Нидерландия Франция ва Австрия билан бирга "Д" гуруҳидан жой олган, бошқа рақиб эса плей-офф натижаларига кўра аниқланади.

"Сўнгги йилларда биз уларга қарши кўп ўйнаганимиз учун мен Франция бизнинг гуруҳда бўлмаслигини, улар эса бизнинг ўз гуруҳида бўлмаслигимизни афзал кўрардим. Тўртинчи рақибимиз ким бўлишини кутамиз. Бизда Австрия термаси ҳақида ҳали етарли малумот йўқ ва пухтароқ тайёргарлик кўришимиз керак. Келгуси ёзда нима бўлишини кўрамиз. Бизнинг асосий мақсадимиз ўзгаришсиз қолмоқда - ҳар доимгидек Европа чемпионатида ғалаба қозониш. Турнирда қатнашганимизда, мақсадимиз ғалаба қозонишдир", - деди Куман Nu.nl билан суҳбатда.