"Chelsi" bosh murabbiyi Maurisio Pochettino klub madaniyatini o‘zgartirish niyatida emasligini aytdi.

Eslatib o‘tamiz, 21 asrda "ko‘klar" besh marta Angliya chempioni bo‘lishdi va ikki marta Chempionlar ligasida g‘olib chiqishdi.

"Chelsi"ning madaniyati g‘alaba qozonishdan iborat, nega biz buni o‘zgartirishimiz kerak? Biz madaniyatni o‘zgartirmoqchi emasmiz, bizning vazifamiz loyihani qurishdir. Biroq, madaniyat avvalgidek qoladi - biz g‘alaba qozonishimiz kerak", - dedi Pochettino matbuot anjumanida.

Hozirda Pochettino jamoasi Premyer-liga turnir jadvalida o‘ninchi o‘rinda bormoqda. Bugun "Chelsi" chempionat doirasida "Manchester Yunayted"ga qarshi maydonga tushadi.