"Liverpul" himoyachisi Virjil van Deyk jamoadoshi Joel Matipning jiddiy jarohati haqida fikr bildirdi.
Eslatib o‘tamiz, kamerunlik futbolchi xoch bo‘g‘imidan jarohat olgandi.
"Bu barchamiz uchun juda qiyin va og‘riqli. Men unga achinaman, u ko‘p yillar davomida "Liverpul"da o‘ynagan ajoyib futbolchi. Unga qiyin bo‘ladi, lekin biz hammamiz unga yordam berishga tayyormiz", - dedi Van Deyk Mirror bilan suhbatda.
Joriy mavsumda Matip barcha turnirlarni hisobga olgan holda 14ta uchrashuvda maydonga tushdi va birorta ham gol ura olmadi.
"Liverpul"ning navbatdagi o‘yini 9 dekabr kuni "Kristal Pelas"ga qarshi bo‘lib o‘tadi. Angliya Premyer-ligasining 16-turi doirasidagi ushbu bellashuv Toshkent vaqti bilan 17:30ga belgilangan.
