"Ливерпуль" ҳимоячиси Виржил ван Дейк жамоадоши Жоэль Матипнинг жиддий жароҳати ҳақида фикр билдирди.

Эслатиб ўтамиз, камерунлик футболчи хоч бўғимидан жароҳат олганди.

"Бу барчамиз учун жуда қийин ва оғриқли. Мен унга ачинаман, у кўп йиллар давомида "Ливерпул"да ўйнаган ажойиб футболчи. Унга қийин бўлади, лекин биз ҳаммамиз унга ёрдам беришга тайёрмиз", - деди Ван Дейк Mirror билан суҳбатда.

Жорий мавсумда Матип барча турнирларни ҳисобга олган ҳолда 14та учрашувда майдонга тушди ва бирорта ҳам гол ура олмади.

"Ливерпул"нинг навбатдаги ўйини 9 декабрь куни "Кристал Пэлас"га қарши бўлиб ўтади. Англия Премьер-лигасининг 16-тури доирасидаги ушбу беллашув Тошкент вақти билан 17:30га белгиланган.