“An-Nasr” klubi safida Saudiya Arabistoni chempionatida o‘ynayotgan hujumchi Krishtianu Ronaldu jamoaning mashg‘ulotidan olingan suratni e’lon qildi.

38 yoshli forvard o‘zining ijtimoiy tarmoqlarida "G‘oliblar jamoasi" deya izoh qoldirdi.

8 dekabr, juma kuni “An-Nasr” Saudiya Arabistoni chempionatida yana bir o‘yin o‘tkazadi. “Ar-Riyod” Ronaldu jamoasiga qarshilik qiladi. Uchrashuv Toshkent vaqti bilan 23:00da boshlanadi.

Saudiya Arabistoni chempionatining joriy mavsumida Krishtianu 14 ta o‘yinda maydonga tushdi. Hujumchi 15 ta gol (3 tasi penaltidan) va 7 ta golli uzatmani amalga oshirdi.