"Manchester Yunayted" bosh murabbiyi Erik ten Xag noyabr oyida Angliya Premyer-ligasining eng yaxshi murabbiyi uchun mukofotni oldi. Bu haqda liga matbuot xizmati xabar berdi.
Eslatib o‘tamiz, o‘tgan oyda “qizil iblislar” milliy chempionatda uchta o‘yin o‘tkazib, uchta uchrashuvda g‘alaba qozonishgan. Aytish joizki, ushbu o‘yinlarda niderlandiyalik mutaxassis jamoasi o‘z darvozasidan birorta ham to‘p o‘tkazib yubormadi.
15-turdan so‘ng "Manchester Yunayted" 27 ochko to‘plashga muvaffaq bo‘lib, APL turnir jadvalida oltinchi o‘rinda bormoqda.
9 dekabr, shanba kuni "mankunianliklar" "Bornmut"ni qabul qilishadi. O‘yin Toshkent vaqti bilan 20:00da boshlanadi.
