Polshaning "Legiya" klubi muxlislariga Yevropa musobaqalarida bo‘lajak safar o‘yinlariga tashrif buyurish taqiqlandi.

Eslatib o‘tamiz, Polsha jamoasi muxlislari Konferensiyalar ligasida "Aston Villa" bilan o‘yin (1:2) oldidan tartibsizliklar uyushtirgandi. To‘qnashuvlar chog‘ida 3 nafar polisiya xodimi yaralangan.

Ushbu hodisa tufayli UYEFA "Legiya"ni 100 ming yevro jarimaga tortish va klub muxlislarini Yevropa musobaqalaridagi keyingi beshta safar o‘yiniga tashrif buyurishni taqiqlashga qaror qildi.

5 turdan keyin Polsha klubi 9 ochko jamg‘argan holda Konferensiyalar ligasi "E" guruhi jadvalida 2-o‘rinni egallab turibdi.