Польшанинг "Легия" клуби мухлисларига Европа мусобақаларида бўлажак сафар ўйинларига ташриф буюриш тақиқланди.

Эслатиб ўтамиз, Польша жамоаси мухлислари Конференциялар лигасида "Астон Вилла" билан ўйин (1:2) олдидан тартибсизликлар уюштирганди. Тўқнашувлар чоғида 3 нафар полиция ходими яраланган.

Ушбу ҳодиса туфайли УЕФА "Легия"ни 100 минг евро жаримага тортиш ва клуб мухлисларини Европа мусобақаларидаги кейинги бешта сафар ўйинига ташриф буюришни тақиқлашга қарор қилди.

5 турдан кейин Польша клуби 9 очко жамғарган ҳолда Конференциялар лигаси "Е" гуруҳи жадвалида 2-ўринни эгаллаб турибди.