"Liverpul"ning sobiq futbolchisi, hozirda mutaxassis bo‘lib ishlayotgan Jeymi Karragerning fikricha, Yurgen Klopp jamoasi hozircha chempionlik o‘yinini ko‘rsatmayapti.
"Liverpul" hozirda Premyer-liga chempioniga o‘xshamaydi. Men hali bu darajadagi o‘yinni ko‘rmayapman. Kelgusi oy o‘zingizni ifoda etish uchun ajoyib imkoniyat bo‘ladi. Sinovli kunlar yaqinlashmoqda, shundan so‘ng "Liverpul" bu mavsumda qanchalik kuchli ekanligini aniq tushunib olamiz. Ha, ular hozir peshqadam, biroq ularning birinchi o‘rinlarini ishonchli deb atash mumkin emas", - deydi Karrager.
16 turdan so‘ng "qizillar" turnir jadvalida birinchi o‘rinda bormoqda. Navbatdagi o‘yinda "mersisaydliklar" "Manchester Yunayted" bilan uchrashadi.
