"Roma" bosh murabbiyi Joze Mourinyo Londonning "Chelsi" klubida Muhammad Saloh va Kevin De Bryuyne bilan birga ishlagani haqidagi xotiralari bilan o‘rtoqlashdi.
"Ular ketishni xohlaganlari uchun ketishdi. Ular kutishni xohlamadilar va ularning qarori to‘g‘ri ekanligini tarix tasdiqlaydi. Salohni qo‘yib yubording, deyishsa, men buning teskarisini aytaman: Salohni oldim... Salohni sotib olaman degan odam edim. U "Bazel"dan "Liverpul"ga o‘tmoqchi edi, men esa uning "Chelsi"ga o‘tishi uchun kurash olib bordim.
Kevin va men mavsum oldidan Osiyoga bordik... va "Chelsi" Kevinni nemis klubiga ijaraga bermoqchi edi va men: "Yo‘q, men uni o‘zim bilan olib qolishni xohlayman" dedim. U qoldi va birinchi jamoa bilan Premyer-ligani boshladi. Shundan so‘ng biz Pragada "Bavariya" bilan Yevropa Superkubogini o‘ynadik va u o‘sha o‘yinda maydonga tushmadi va ertasi kuni u ketishni xohladi!
Ikkalasi ham kuta olmaydigan yosh bolalar edi va ularning martabalari ularning to‘g‘ri ekanini ko‘rsatdi", — dedi Mourino The Obi One Podcast bilan suhbatda
Mourinyo ikki marta "Chelsi"ni boshqargan: 2004 yilning yozidan 2007 yilning kuzigacha va 2013 yilning yozidan 2015 yilning oxirigacha. London klubi bilan portugaliyalik murabbiy uch marta Angliya chempioni unvonini qo‘lga kiritdi. Shuningdek, uning qo‘l ostidagi jamoa uch marta Angliya kubogi va Superkubogi hamda Liga kubogini qo‘lga kiritdi.
