"Рома" бош мураббийи Жозе Моуриньо Лондоннинг "Челси" клубида Муҳаммад Салоҳ ва Кевин Де Брюйне билан бирга ишлагани ҳақидаги хотиралари билан ўртоқлашди.
"Улар кетишни хоҳлаганлари учун кетишди. Улар кутишни хоҳламадилар ва уларнинг қарори тўғри эканлигини тарих тасдиқлайди. Салоҳни қўйиб юбординг, дейишса, мен бунинг тескарисини айтаман: Салоҳни олдим... Салоҳни сотиб оламан деган одам эдим. У "Базел"дан "Ливерпул"га ўтмоқчи эди, мен эса унинг "Челси"га ўтиши учун кураш олиб бордим.
Кевин ва мен мавсум олдидан Осиёга бордик... ва "Челси" Кевинни немис клубига ижарага бермоқчи эди ва мен: "Йўқ, мен уни ўзим билан олиб қолишни хоҳлайман" дедим. У қолди ва биринчи жамоа билан Премьер-лигани бошлади. Шундан сўнг биз Прагада "Бавария" билан Европа Суперкубогини ўйнадик ва у ўша ўйинда майдонга тушмади ва эртаси куни у кетишни хоҳлади!
Иккаласи ҳам кута олмайдиган ёш болалар эди ва уларнинг мартабалари уларнинг тўғри эканини кўрсатди", — деди Моурино The Obi One Podcast билан суҳбатда
Моуриньо икки марта "Челси"ни бошқарган: 2004 йилнинг ёзидан 2007 йилнинг кузигача ва 2013 йилнинг ёзидан 2015 йилнинг охиригача. Лондон клуби билан португалиялик мураббий уч марта Англия чемпиони унвонини қўлга киритди. Шунингдек, унинг қўл остидаги жамоа уч марта Англия кубоги ва Суперкубоги ҳамда Лига кубогини қўлга киритди.
