O‘tgan qishda "Chelsi" ukrainalik iqtidorli vinger Mixail Mudrikni "Shaxtyor"dan 70 million yevroga sotib olgandi. Yana 30 million yevro klublar o‘rtasidagi kelishuvga bonus sifatida kiritilgan.

"Chelsi" Mudrik uchun juda ko‘p pul to‘ladi, ammo deyarli bir yil davomida ukrainalik futbolchi 33 uchrashuvda atigi oltita samarali harakatni (ikkita gol va to‘rtta golli uzatma) amalga oshirdi. Natijada, Transfermarkt portalida Mudrikning narxi pasayishda davom etmoqda.

So‘nggi yangilanishdan so‘ng, Mixail Mudrik 45 o‘rniga 40 million yevroga baholandi. Bundan tashqari, mart oyida, "Chelsi"ga o‘tganidan so‘ng, ukrainalik futbolchi 60 millionga baholangandi.