Ўтган қишда "Челси" украиналик иқтидорли вингер Михаил Мудрикни "Шахтёр"дан 70 миллион еврога сотиб олганди. Яна 30 миллион евро клублар ўртасидаги келишувга бонус сифатида киритилган.
"Челси" Мудрик учун жуда кўп пул тўлади, аммо деярли бир йил давомида украиналик футболчи 33 учрашувда атиги олтита самарали ҳаракатни (иккита гол ва тўртта голли узатма) амалга оширди. Натижада, Transfermarkt порталида Мудрикнинг нархи пасайишда давом этмоқда.
Сўнгги янгиланишдан сўнг, Михаил Мудрик 45 ўрнига 40 миллион еврога баҳоланди. Бундан ташқари, март ойида, "Челси"га ўтганидан сўнг, украиналик футболчи 60 миллионга баҳоланганди.
