Ushbu texnologiya 12 ta kamera yordamida to‘p va futbolchilarning aniq pozisiyasini hamda tana qismlarining holatini kuzata oladi. Ofsayd sodir bo‘lganda, sun’iy intellektdan foydalangan holda VAR tizimiga signal yuboriladi. O‘z navbatida VAR, avtomatik ravishda chizilgan ofsayd liniyalari yordamida bosh hakamga yakuniy qarorni chiqarish uchun ma’lumot beradi.
Hakam qarorining shaffofligini ta’minlash maqsadida, ofsayd yoki onsayd holati 3D animasiya ko‘rinishida stadion ekranida va translyasiyada namoyish etiladi.
