Edin Terzich "Borussiya"ning so‘nggi o‘yinlaridan hafsalasi pir bo‘ldi.

Dortmundliklar bosh murabbiyi Bundesligada "Mayns" bilan durangdan keyin (1:1) o‘z fikrlarini bildirib o‘tdi.

Qora-sariqlarning g‘alabasiz seriyasi 6 uchrashuvgacha davom etdi.

“O‘yin shuni ko‘rsatdiki, birinchi bo‘limni ajoyib o‘tkazdik, to‘pga ko‘p ega bo‘ldik va pressingda juda samarali bo‘ldik. Biz ko‘proq gol urishimiz mumkin edi.

Tanaffusga qadar gol o‘tkazib yuborib, ikkinchi bo‘lim boshida o‘zimiz emas edik, o‘ta passiv harakat qildik, raqib ko‘p qarshi hujumga o‘tdi va o‘zimizni himoya qilishga majbur bo‘ldik.

Qolaversa, Allerning jarohati tufayli ozchilikda qolgandik. Va shunga qaramay g‘alaba golini urishga yaqin edik. Qishki ta’tilga hafsalamiz pir bo‘lgan holda chiqib ketmoqdamiz", - dedi Terzich.