"Manchester Siti" yetakchilaridan biri Rodri Ernandes jamoasining navbatdagi o‘yinida ishtirok etadi. Ispaniyalik futbolchi klublar o‘rtasidagi jahon chempionati finalida olgan jarohati sabab bo‘lajak “Everton”ga qarshi o‘yinni o‘tkazib yuboradi degan xavotirlar bor edi.
Insayder Kavex Solxekolning so‘zlariga ko‘ra, Rodri "Fluminense"ga qarshi o‘yin oxirida jiddiy jarohat olmagan. Uchrashuv 4:0 hisobida inglizlarning g‘alabasi bilan yakunlandi.
Eslatib o‘tamiz, “Manchester Siti” – “Everton” uchrashuvi 27 dekabr kuni Liverpulda bo‘lib o‘tadi.
Angliya Premyer-ligasining joriy mavsumida Rodri 14 ta o‘yinda maydonga tushib, 3 ta gol va 2 ta golli uzatmani amalga oshirdi.
