"Манчестер Сити" етакчиларидан бири Родри Эрнандес жамоасининг навбатдаги ўйинида иштирок этади. Испаниялик футболчи клублар ўртасидаги жаҳон чемпионати финалида олган жароҳати сабаб бўлажак “Эвертон”га қарши ўйинни ўтказиб юборади деган хавотирлар бор эди.
Инсайдер Кавех Солхеколнинг сўзларига кўра, Родри "Флуминенсе"га қарши ўйин охирида жиддий жароҳат олмаган. Учрашув 4:0 ҳисобида инглизларнинг ғалабаси билан якунланди.
Эслатиб ўтамиз, “Манчестер Сити” – “Эвертон” учрашуви 27 декабр куни Ливерпулда бўлиб ўтади.
Англия Премьер-лигасининг жорий мавсумида Родри 14 та ўйинда майдонга тушиб, 3 та гол ва 2 та голли узатмани амалга оширди.
