“Portu” hujumchisi Mehdi Taremi mavsum so‘ngida “Inter”ga o‘tishi mumkin.

"Neradzurrilar" uzoq vaqtdan beri “Milan”, “Manchester Yunayted” va Yevropaning boshqa top-klublari qatorida eronlik futbolchiga davogar hisoblanadi.

Jurnalist Matteo Morettoning yangilangan ma’lumotlariga ko‘ra, “Inter” rahbariyati Taremi bilan shartnoma imzolash masalasi bo‘yicha jiddiy shug‘ullanishga qaror qilgan va milanliklar klubi 31 yoshli forvardni yanvarda emas iyun oyida o‘ziga jalb qilmoqchi.

O‘shanda futbolchining "Portu" bilan shartnomasi muddati tugaydi. Tez orada dastlabki kelishuvga erishilishi mumkin.

Mehdi Taremi ushbu mavsumda “ajdarlar” safida 22 ta o‘yinda maydonga tushib, 5 ta gol va 4 ta golli uzatmaga mualliflik qilgan.